काठमाडौँ । गायक जीवन बिश्वकर्माको स्वर, शब्दमा समावेश ‘भरि परि’ बोलको म्युजिक भिडियो सार्वजनिक भएको छ।
यस गीतमा तुलशी गौतमको मिठो संगीत सुन्न सकिन्छ । म्युजिक भिडियोमा माया प्रेम अनि शंकाले सम्बन्धमा आउने तगारोलाई निकै भावुक ढंगले प्रस्तुत गरिएको छ। भिडियोमा आरोही चौलागाईं, जलज चुडाल, बसन्त खतिवडा तथा बाल कलाकार अनुश्का मगरको अभिनय देख्न सकिन्छ। रन्धिर श्रेष्ठले छायांकन गरेको यस भिडियोलाई विजय राज भुर्तेलले सम्पादन गरेका हुन्।
जयन्द्र चुडाल निर्माता रहेको यस भिडियोलाई राजेन्द्र बि.सीको निर्देशनमा तयार पारिएको हो। नौलो डिजिटलको आधिकारिक च्यानल मार्फत भिडियो सार्वजनिक गरिएको हो।
