काठमाडौँ। अभिनेता पल शाहले केहि समयअघि मात्र सामाजिक सञ्जालमार्फत गायक दुर्गेश थापाले षड्यन्त्र रची आफुलाई फसाउन खोजेको आरोप लगाएका छन्। यसैबिच गायक थापाले पनि आफ्नो कुरा राखेका छन्।
सञ्चारमाध्यमसँग कुरा गर्दै गायक थापाले भने “गल्ती गर्ने ऊ, दोष चाहिँ हामीमाथि। एकजना नाबालिग ऊबाट पीडित भएकी छन्। ती नाबालिगलाई न्याय दिलाउन हामीले सहयोग गरेका हौँ। ती नाबालिगले न्याय पाउनुपर्छ भन्ने हाम्रो स्पष्ट धारणा छ। यसबारे हामी विस्तृतमा पत्रकार सम्मेलन गरेर जानकारी दिनेछौँ।”
शाहविरुद्ध जिल्ला प्रहरी कार्यालय तनहुँमा जबरजस्ती करणीको उजुरी परेपछी हाल प्रहरीले आरोपी अभिनेता पल शाहलाई खोजी रहेको छ। शाहले सामाजिक सञ्जालमार्फत आफूमाथि नियोजित षडयन्त्र भएको भन्दै दुर्गेश थापा, सरोज ओली, कृष्ण जोशी र सम्राट चौलागाईंले षडयन्त्र रचेको आरोप लगाएका छन्।
