काठमाडौं – अमेरिकाको ओहायो सहर निवासी गीतकार रमेश लुइँटेलको शब्दमा समावेश ‘तिम्रो साथ’ बोलको म्युजिक भिडियो छिट्टै सार्वजनिक हुने भएको छ।
उदय सोताङको सुमधुर स्वरमा रहेको यस गीतलाई अमेरिकामा नै रहेका संगीतकार आधार तुम्बापोले संगीतवद्द गरेका हुन्। यस गीतलाई कर्म ग्याल्छेन बम्जनले संगीत संयोजन गरेका हुन्।
म्युजिक भिडियोमा सुजिता सिवाकोटी र दिपेश परियारको अभिनय रहेको छ। राम केसीले छायाँकन गरेको यस भिडियोलाई प्रकाश एसकेले सम्पादन गरेका हुन्। टिम मुक्तिनाथको निर्देशनमा भिडियो तयार पारिएको हो। नेपाली मेलोडिज नामक युट्युव च्यानल मार्फत भिडियो सार्वजनिक हुने भएको छ। निर्माण टिमले भिडियोलाई हेरेर प्रतिक्रिया दिन सबैलाई अग्रिम आग्रह गरेको छ।
