नेपालमा पछिल्लो २४ घण्टामा थप १ हजार ६६ जनामा कोरोना संक्रमण पुष्टि भएकाे छ ।
जनसंख्या तथा स्वास्थ्य मन्त्रालयका अनुसार गत २४ घण्टामा १० हजार ११३ जनाको पीसीआर परीक्षण गर्दा ८९८ जना र ३ हजार २५५ जनाको एन्टिजेन परीक्षण गर्दा १६८ जनामा संक्रमण पुष्टि भएको हो।
गत २४ घण्टाको अवधिमा देशभर गरी १३ जना कोरोना संक्रमितको मृत्यु भएको मन्त्रालयले जानकारी दिएको छ।
यस्तै, पछिल्लो २४ घण्टामा कोरोना संक्रमणबाट ९३८ जना निको भएका छन्।
मन्त्रालयका अनुसार हाल देशभर सक्रिय संक्रमितको संख्या १८ हजार ११५ जना रहेका छन्।
