काठमाडौं । विश्वकप २०२६ फुटबलको एसियाली छनोटको पहिलो चरण अन्तर्गत नेपालले आज (बिहीबार) लाओसको सामना गर्दैछ ।
नेपाल र लाओसबीचको खेल दशरथ रंगशालामा नेपाली समय अनुसार साँझ साढे ५ बजे सुरु हुनेछ ।
दुई लेगको खेलमा जित निकाल्ने टिम एसिया छनोटको दोस्रो चरणमा प्रवेश गर्नेछन् । नेपालले विश्वकप छनोट प्रारम्भिक चरणको खेलकै लागि म्यानमारसँग दुई खेल खेलेको थियो ।
दुवै टिम पहिलो चरणमा जित निकाल्दै दोस्रो चरणमा आफूलाई सुरक्षित गर्न चाहन्छन् । दोस्रो चरणमा पुग्ने टोलीले एसियाका शीर्ष देशसँग होम एण्ड अवेका आधारमा छनोट खेल्ने अवसर पाउनेछन् ।
