नेकपा माओवादी केन्द्रको स्थायी कमिटी बैठक आज बस्दै छ ।
पार्टी केन्द्रीय कार्यालय पेरिसडाँडामा अहिले केहिबेरमा बस्ने बैठकमा पार्टीको राष्ट्रिय सम्मेलनको तयारीका बारेमा बैठकमा छलफल केन्द्रीत हुने जनाइएको छ ।
यसअघि हिजो दिउँसो ३ बजेका लागि तय गरिएको बैठक नेताहरुको कार्य व्यस्तताका कारण आजका लागि सारिएको हो । पार्टीले यसअघि नै राष्ट्रिय सम्मेलन आगामी पुस ११ देखि १३ गतेसम तोकिसकेको छ ।
गत सोमबार बसेको बैठकले सदस्यता नवीकरण गर्ने मिति असोज मसान्तसम्म, वडा भेलाको बैठक कार्तिक १३ गते र पालिका स्तरीय भेला मंसिर ४ गतेसम्मलाई सारेको थियो । बैठकमा पछिल्लो राजनीतिक घटनाक्रमका बारेमा पनि सामान्य समिक्षा हुने बताइएको छ ।
