काठमाडौं – गायक सागर तामाङ र दिव्या राईको युगल गायनमा समावेश ‘प्रेमको कहानी’ बोलको म्युजिक भिडियो सार्वजनिक भएको छ। प्रेमिल शैलीको यस गीतमा कुशांग लिम्बुको शब्द, संगीत रहेको छ। दीक्षित पौडेलले यस गीतलाई संगीत संयोजन गरेका हुन्।
म्युजिक भिडियोमा दिनेश सुनार र सोनिया राई बीचको अन्स्क्रिन प्रेम र रोमान्सलाई प्रस्तुत गरिएको छ। विनोद विनिर्जारा राईको छायाँकन र सम्पादन रहेको यस भिडियोलाई थमन केसीको निर्देशनमा तयार पारिएको हो। एसएसओजी अफिसिएल च्यानल मार्फत भिडियो सार्वजनिक भएको हो। निर्माण टिमले भिडियोलाई हेरेर प्रतिक्रिया दिन सबैलाई आग्रह गरेको छ।
